Vom Härz a Verstang

Werum versperrsch di, wehrsch di immer so?

Werum belehrsch mi, chehrsch du mir der Rüggä zuä?

Was machsch ging aui Brüggä dicht? Was schleppsch o ging das Gwicht?

Äs isch ganz eifach luä, los doch einisch zuä.

Ängscht und Sorgä kenni keni, dini Gspängschter blibä mir verborgä.

Muetig ga ig uf dKlippä zuä, i luegä abä u wippä chli derzuä.

Das wo du dert unger gsehsch isch mir egau, wüu vorem Ufprau chunnt zersch no ging der Fau.

Mit Alouf stürzi mi zmitts dri id Witi, breitä mini Flügü us u lug i flügä, der Ufwind, dä treit mi.

Mit Rüggäwind gleiti, gleitig id Liebi, lug wini verliebt bi.

Verliebt iz Läbä, lug wini sträbä, am Bodä entgägä

U när glich nomau ufä id Höchi, zur Sunnä id Nöchi, läck isch mir das ä Wöhli.

Lug, nur wär wagt gwinnt, lug wi schnäu üsi Zit hiä verrinnt.

Drum wotti nid wartä, wott mi nid säuber verratä.

Wott mi nid i dim Sorgägartä verirrä, mi vo dinä Argumänt u Gründ la verwirrä.

I pfiifä uf gfährlech, wüu im Sicherheitsabstang füuht mä aues nur spärlech.

Lieber dass mir zFüür mau dFinger verbrönnt aus dass mir zAleisi nüt gönnt.

Lieber mit Luscht abägheiä aus im Fruscht abverheiä.

Lieber hudlets mi einisch chli dürä aus dasi der Ruusch vom Flügä niä gspürä.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s