beziehigschischtä 1: im kreis

jedes mau we mir üs gseh, tuets ging uf znöiä weh, meh u meh si mir verbundä u glich so eländ gschundä

mängisch söus u söus nid si, geit ei chance um di angeri verbi, derbi chönnts doch so eifach si, mir chöis ja eifach nid lasi, wär weiss wasi vo dir wott we du mi lasch la wartä i däm trott, wär weiss was du i minä ougä gsehsch we du doch ke vertrouä hesch

was weimer üs no aus verbouä? was weimer no verhouä? meh aus einisch bisch abghouä, hesch mini nachrichtä la astouä wi ghüder imä fluss, wi dhaar im abfluss, u när bisch wieder cho mit schuss, när glich nomau ä kuss

meh aus einisch hani dir läbwou gseit, dir au schang gseit, obwou sisch klar gsi dass nid lang geit bis zeintä wieder vorem angerä steit u mä sech einisch meh vertreit, sech irgendwiä haut glich versteit

 

eis, zwöi, drü, eis, zwöi u keis, mir dräihä üs im kreis, wär weiss wieso, äs isch haut so, i weiss du gspürsches immerno, du seisch äs sig nid so, u glich weisches irgendwo, chunnsch o nid los dervo

 

du redsch vo jenem u vo einem, redsch u redsch bis du di verredsch u seisch dasses eigentlech ja weisch, was meinsch de du? i gspürä di dänk scho, o du hesch ä hoffnig oder zwo, o di hets immer scho mitgno

was meinsch de du? i gspürä di dänk ou, o dir ischs mängisch eifach wou, obwou du di so sehr bemüehsch, betont locker i dim kafi innä rüehrsch

i ghöräs ja i dirä stimm, o we du seisch ssig nid so schlimm, da steckt glich so viles drin, ganz lisli schwingt das aubä mit bises di verschlingt, bises mi id chnöi zwingt u dir einisch meh dhäng verbingt

i fragä mi ischs das de wärt? dini wort chömä ging wieder wines schwärt u glich isch das was i mir bis itz no gärt o bi dir no nid verjährt

 

eis, zwöi, drü, eis, zwöi u keis, mir dräihä üs im kreis, wär weiss wieso, äs isch haut so, i weiss du gspürsches immerno, du seisch äs sig nid so, u glich weisches irgendwo, chunnsch o nid los dervo

 

Ja, äs het mi hert, äs isch aues so verzerrt, äs ewigs hin u här, äs leidigs “nimms doch nid so schwär” u när? was wes eifach angers wär? wär dis härz no denn haubläär? oder wär mi schmärz de haub so schwär?

mängisch triffts eim wine blitz u nächer fäut ä bitz, wi bimä öpfeli ä schnitz, so geiz, das giz, du hesch di mir iz gedächtnis gritzt, so isches itz, vilech ischs ä schlächtä witz, vilech aber o di grossi hitz

mit jedem gedankä a di wei sech nöii sehnsücht um mi rankä, wi efeu häbsch di a mir fescht u zletscht riissisch di glich ging wieder los, gheisch dtür hinger dir iz schloss, lahsch mi uf minä wundä hockä, si brönnä winä luntä, äs zischt u rouchnet bis der funkä irgendwenn erlischt u zpuuverfässli explodiert, bis üsi liebi implodiert

 

eis, zwöi, drü, eis, zwöi u keis, mir dräihä üs im kreis, wär weiss wieso, äs isch haut so, i weiss du gspürsches immerno, du seisch äs sig nid so, u glich weisches irgendwo, chunnsch o nid los dervo

eis, zwöi, drü, eis, zwöi u keis, mir dräihä üs im kreis

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s