Beziehigskischtä 2: Zwöi Wäutä

Dä isch für aui wos “kompliziert” isch:


Zwöi Wäutä prauä ufenang u trotzdäm fingä mir Gfauä anänang

Mir gö nid Hang in Hang u glich chömä mir zGang, irgendwiä mitnang

Mängisch bringsch mi düränang, de geiz nid lang u mir gö wieder chli vonang

U we der Vorhang gheit, we dFreiheit Vorrang het

Dänki glich no ab und zuä a di

Werum genau weisi o ni

 

Zwöi Wäutä prauä ufenang, üsi Wägä loufä prallel zunang

U glich isch da ke Wang, ke Zwang, nur ä liechtä Drang

Irgendäs Verlangä, wo mir mängisch haut dran hangä

De weimer üs churz dHang gä, däm Summä chli meh Klang gäh

DAbzweigig heimer irgendeinisch mau verfäuht

Hei jedes än angeri Richtig für sich gwäuht

 

Zwöi wäutä prauä ufenang, so geit das scho rächt lang

ZLäbä louft nid gredi winä Strich, mängisch giz ä chlinä Stich

De louft äs Trändli über zGsicht u gwichtet schwär

U när? Nachem Rägä schint dSunnä

Griiffä mer o mau dernäbä heimer trotzdäm gwunnä

I gseh di i dim Läbä u fröiä mi, dass mir enang hei gfungä

 

Zwöi Wäutä prauä ufenang, da bricht scho mau äs Härz abnang

Am Afang isches churz mau angers u doch scho schwierig gsi

Chum, mir wei nid gierig si, nämä das wo zLäbä bringt

Gniessä das wo üs verbingt, ganz unbedingt

No strings solangs no singt, das Vögeli wo sini Zit

Mau I dirä, mau i mirä Wäut verbringt

2 thoughts on “Beziehigskischtä 2: Zwöi Wäutä

  1. Das Gedicht klingt sehr schön.
    Aber so gut ist mein Schweizerdeutsch dann leider nicht mehr. Ein paar Zeilen habe ich nicht mehr verstanden.
    Trotzdem vielen Dank für diese schönen Zeilen.
    🙏💚🤗

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s