zoubertrank

füuh mi wi nä schärischnitt, verschnipslet, verstücklet, hiä äs loch, dört chli verrissä, es isch beschissä, u glich hani dzäng no ging zämä bissä, ging we meinsch es wird besser chunnt zschicksau u wetzt sini mässer, ging we meinsch du bechunnsch es i griff, geiz nomau unger dis schiff, git der zläbä nomau ä schliff

füuh mi winä rohdiamant, funklä zwar gäbig, lüchtä aber glich nid meh aus ä schäbigi pfunzlä. äs stinkt mer winä huufä dräckigi hüdlä, der sturm wott mi ghörig verhudlä, äs loch im gartä chönnti ga buddlä o weni gäg usä no lächlä wi buddha. dhoffnig hets mer grad hurti verlochet, dhänkersmauzit verchochet, stocherä i mim troschtlosä menu imä gstreifletä tenu

füuh mi winä gfangni imä guudigä chäfig, doch haut, sisch nid mau aues guud wo so glänzt, chnüblä dfarb ab, wüus drunger scho roschtet, was isch das fürnä metallischä gruch? huch, äs isch zbluet wo unger minä fingernegu itrochnet. mini zit hani gwüss itz abghocket, bi scho richtig verhocket, i ha nüt meh zverbüessä, wott usä dsunnä ga grüessä

es ligt aus ging no drinnä, gibä mer eifach ä mupf u när no nä schupf. ä schluck zoubertrank, de chumi när zrank. äs teeli mit schuss u nes pflaschter für au di wehwehli. abaa het zgrosi ging gseit, was di nid töt macht di stercher, i ha dschnouzä zwar vou, stah aber ging no mi frou

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s