block & blofi

i säge wasi dänke, ohni bedänke, wott mi für niemer verränke

es wär verrat a mir säuber, gloub mer

i träge mis härz uf der zunge

zeige mi schmärz u au mini wunde

aus woni bruche isch e block u nes blofi

bi i nütem e profi

u wenn scho? i stah zu mim profiu

 

33i us bärn, yes, hie läbi gärn

dkarriere a nagu ghänkt, darme hingerem rügge verschränkt

gibe ne scheiss ufe ufstig, was isch so schlimm ame abstig oder gar ame usstig?

doktertitu, ja und? das ischs nid wos drufachunnt

ke plan meh für dzuekeunft, das geit gar nid seit dstimm vor vernunft

chli flexibilität tät üs aune mau guet, aber ds brucht haut chli muet

i lüpfe der huet vor jedem wo weiss waser nid wott, u der finger zeigt däm vorgschribnige trott

wo em chef seit wos düregeit, wonim zeigt wo der bartli der moscht hout

wo uf sich säuber vertrout, sech ztröime erloubt

wo a dliebi gloubt, sech öppis gertout

der erger nid astout sondern eifach mau abhout

 

säg was de dänksch, ohni bedänke, tue di für niemer verränke

es wär verrat a dir säuber, gloub mer

trag dis härz uf der zunge

zeig di schmärz u au dini wunde

aus wode bruchsch isch e block u nes blofi

bisch i nütem e profi?

u wenn scho, stah zu dim profiu

 

33i us bärn, yes, hie läbi gärn

i bi mami u wohne eleini u glich lahni mis ching nid eleini

nei, genau serigs meini

mi sohn, für jede schmärz isch är der lohn

perfekt bini lang nid, doch jede tag wo vergeit

sägi ihm wis um mini gfüuh für ihn steit

hey, baby, zmami liebt di, i ha di gärn, du bisch mi stärn, du bisch super so wi du bisch

leg dcharte ging ufe tisch o we das heisst, dass du aus voder gisch

 

säg was de dänksch, ohni bedänke, tue di für niemer verränke

es wär verrat a dir säuber, gloub mer

trag dis härz uf der zunge

zeig di schmärz u au dini wunde

aus wode bruchsch isch e block u nes blofi

bisch i nütem e profi?

u wenn scho, stah zu dim profiu

 

33i us bärn, yes, hie läbi gärn

si nennes e depressivi verstimmig

aber immerhin isches e stimmig

immerhin isches nid gfüuhloses funktioniere, vor sich häre vegetiere, aues immer dürestiere

i ha nüt meh zverliere u glich chani immer no liebe

am hass der rigu vorschiebe

der gfüuhstod isch zschlimmschte wo am mönsch cha passiere

das isches wo dmissgunscht laht la grassiere

der blick immer gredi vorus gseht me dmasse a de bättler verbimarschiere

hey, hesch mer e stutz?

ja, sicher, hie hesch e zwänzger, hou dä mau schön ufe putz

 

i säge wasi dänke, ohni bedänke, wott mi für niemer verränke

es wär verrat a mir säuber, gloub mer

i träge mis härz uf der zunge

zeige mi schmärz u au mini wunde

aus woni bruche isch e block u nes blofi

bi i nütem e profi

u wenn scho? i stah zu mim profiu

 

trag dis härz uf der zunge

zeig di schmärz u au dini wunde

aus wode bruchsch isch e block u nes blofi

 

i träge mis härz uf der zunge

zeige mi schmärz u au mini wunde

aus woni bruche isch e block u nes blofi

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s