Wiedergeburt

Scho us Ching hani gärn gäg aus rebelliert, mini Eutere agchlagt u aus attackiert

DStimmig deheim hani ufgheizt, uf zBluet hase greizt, bis mi Pere mir einisch het dFrässe poliert

En unmügleche Hagu bini denn gsi, ha verdient aue Tadu, das gsehni hüt i

Doch mit vierzähni woni dSchleg ha kassiert, het mi Widerstang när no meh grassiert

Ging meh hami gwehrt u gar nüt drus glehrt, ging meh bini wäg gsi bis spät ider Nacht

E Scheiss hami gschehrt um dSchu und um dLehr, am eufi am Morge ersch bini verwacht

Mit mim beschte Kolleg bini ständig ga suufe, mir zwe zäme, e leidige Huufe

Zersch hane gnosse, dä Ruusch, u hami befreit gfüuht, i ha nid gmerkt wie sehr’s mi het ufgwüuht

Ersch wos isch zspät gsi hase de gseh, di truurigi Realität i ihrer ganze Banalität

 

Ime Sumpf us Fruscht u Verluscht bini langsam erstarrt, ha lang i däm Dräck in verharrt

Chaut ischs mer worde um zHärz, abgstumpft vo däm säubschthassende Schmärz

I hami säuber verlore, mini Sehnsücht igfrore, miner Wünsch la vermoore

Ha Zueflucht gsuecht im Suff u i Droge, mi häregäh dä betäubende Woge

Duss uf der Strass bini gläge, ha nüt gmacht dergäge u mi glich verwunsche derwäge

I bi verletzt worde, ja, doch di schlimmschte Stiche hamer säuber versetzt

I hami säuber beloge, mi säuber betroge, ha nüt meh angers erwoge

I ha mir gseit es mües eso si, dases so um mi steit

I ha mir gloubt, mine Usflücht vertrout

 

So bini entgleist, so hets mi abzweigt, das isches wo mi Rückspiugu zeigt

Doch itz lani los was mi lähmt, löse di Bräms womi zähmt

I ga mit Vougas vorus, i gibe aus woni ha zum dVergangeheit hinger mir la

I wott frei si, mis Läbe i nöii Bahne länke, nüm a früecher dänke

I briche us, mache mi los, itz wotti furt, das isch mini Wiedergeburt

 

Mi säuber wirdi nüm si, doch es angers ig isch no drin, eis wo mir git nöie Sinn

Da isch no ne Funke, es bizeli Gluet, di entfachi itz zure lodernde Fluet

Uf höche Wäue wotti rite, mis Läbe no einisch bestritte, vergässe wasi aus ha erlitte

Da geit no chli meh, drum stani itz uf, nime Schnuf u mache mi uf

Das chas noni gsi si, wott wieder derbi si, dWäut nöi entdeckä, mi zum Läbe erweckä

Viles isch ungwüss, doch aus isch no müglech, i ga no nid, i la nid lugg

Grabe mi use us däm Loch woni drin bi, befreie mi vo däm Joch wo mi bingt

Es isch Zyt miner Sehnsücht u Wünsch wieder ufztoue, grossi Tröim mir ume ufzboue

Womi das häretreit chani nid säge u glich gani itz angeri Wäge

 

So bini entgleist, so hets mi abzweigt, das isches wo mi Rückspiugu zeigt

Doch itz lani los was mi lähmt, löse di Bräms womi zähmt

I ga mit Vougas vorus, i gibe aus woni ha zum dVergangeheit hinger mir la

I wott frei si, mis Läbe i nöii Bahne länke, nüm a früecher dänke

I briche us, mache mi los, itz wotti furt, das isch mini Wiedergeburt

3 thoughts on “Wiedergeburt

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s