Fründschafte pflege

Mir hei Zedeli gschribe u Gschichte gäng gspunne

Früecher ir Schu, wo üs hei verbunge

Si zäme ghocket i töifschter Vertroutheit

Vo Hoffnig bis Härzschmärz hei mir enang aus gseit

 

Du bisch für mi da gsi u ig o für di

Für das hani zdanke, sisch es schöns Läbe gsi

Doch wis mängisch geit, hei mir speter verseit

Es het Spannige gäh, woni nid ha vertreit

 

I ha nid gwüsst wo häre mit mir

Ha mi bedrängt gfüuht vo dir

Mir hei gstichlet enang u jedi für sich gluegt

I ha Iversucht gspürt u ne bitteri Gluet

 

I bi verletzt gsi i mim chindische Stouz

Doch o du bisch nid gmacht gsi us Houz

O du bisch enttüscht gsi vo mir

So hadi verlore i däm sinnlose Gwirr

 

Doch itz wotti Fründschafte pflege

Ar Liebi feschthebe

Es tuet mer leid hani di denn versetzt

Di im Töifschte verletzt

 

Itz muesi di um Entschuudigung bitte

Wott nüm mit dir stritte

Sisch Zyt das mir üs wieder finge

U zäme nes nöis Lied astimme

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s